റിപ്പബ്ലിക് ദിനം 2022: ഡല്‍ഹിയിലെ കൊവിഡ് സാഹചര്യമൂലം ഈ വര്‍ഷം റിപ്പബ്ലിക് ദിന പരേഡില്‍ ഏകദേശം 24,000 പേരെ അനുവദിക്കും. ഈ വര്‍ഷം പതിവിലും അര മണിക്കൂര്‍ വൈകിയാണ് റിപ്പബ്ലിക് ദിന പരേഡ് ആരംഭിക്കുന്നത്. ജനുവരി 26 ന് മൂടല്‍മഞ്ഞുള്ള ദിവസങ്ങള്‍ പ്രവചിച്ചതിനാല്‍, പരേഡ് രാവിലെ 10 ന് പകരം 10.30 ന് ആരംഭിക്കുമെന്ന് പ്രതിരോധ മന്ത്രാലയം തീരുമാനിച്ചു. പരേഡില്‍ കാണികള്‍ക്ക് മികച്ച കാഴ്ചാനുഭവം ലഭിക്കാന്‍ മൂടല്‍മഞ്ഞുള്ള പ്രഭാതമാകുമെന്ന് പ്രവചിക്കപ്പെട്ടതിനാല്‍, രാജ്പഥിന്റെ ഓരോ വശത്തും അഞ്ച് വീതം 10 വലിയ എല്‍ഇഡി സ്‌ക്രീനുകള്‍ സ്ഥാപിക്കുമെന്ന് പ്രതിരോധ മന്ത്രാലയത്തിലെ മുതിര്‍ന്ന ഉദ്യോഗസ്ഥന്‍ പറഞ്ഞു. മുന്‍ റിപ്പബ്ലിക് ദിന പരേഡുകളില്‍ നിന്നുള്ള ദൃശ്യങ്ങളും സായുധ സേനയെക്കുറിച്ചുള്ള ഹ്രസ്വചിത്രങ്ങളും 2022 റിപ്പബ്ലിക് ദിനത്തോടനുബന്ധിച്ചുള്ള വിവിധ സംഭവങ്ങളുമായി ബന്ധപ്പെട്ട കഥകളും സംയോജിപ്പിച്ച് ക്യൂറേറ്റഡ് സിനിമകള്‍ പരേഡ് ആരംഭിക്കുന്നതിന് മുമ്പ് പ്രദര്‍ശിപ്പിക്കും. പിന്നീട്, സ്‌ക്രീനുകള്‍ പരേഡിനെ തത്സമയം കാണിക്കും.
റിപ്പബ്ലിക് ദിനത്തോടനുബന്ധിച്ച് വിവിധ കേന്ദ്ര-സംസ്ഥാന പോലീസ് സേനകളിലെ ഉദ്യോഗസ്ഥര്‍ക്കായി 189 ധീരത മെഡലുകള്‍ ഉള്‍പ്പെടെ മൊത്തം 939 സേവന മെഡലുകള്‍ കേന്ദ്ര സര്‍ക്കാര്‍ ചൊവ്വാഴ്ച പ്രഖ്യാപിച്ചു. ധീരതയ്ക്കുള്ള പോലീസ് മെഡലും വിശിഷ്ട സേവനത്തിനുള്ള രാഷ്ട്രപതിയുടെ പോലീസ് മെഡലും നേടിയ ഉദ്യോഗസ്ഥരുടെ പേരുകള്‍ അടങ്ങിയ പട്ടിക കേന്ദ്ര ആഭ്യന്തര മന്ത്രാലയം പ്രസിദ്ധീകരിച്ചു. 189 ധീരതയ്ക്കുള്ള അവാര്‍ഡുകളില്‍, ജമ്മു കശ്മീര്‍ മേഖലയിലെ ധീരമായ പ്രവര്‍ത്തനത്തിന് 134 പേര്‍ക്കും ഇടതുപക്ഷ തീവ്രവാദ (LWE) ബാധിത പ്രദേശങ്ങളിലെ പ്രവര്‍ത്തനത്തിനും 47 പേര്‍ക്കും, വടക്ക്-കിഴക്കന്‍ മേഖലയില്‍ സമാനമായ പെരുമാറ്റത്തിന് ഒരു ഉദ്യോഗസ്ഥനുമാണ് അവാര്‍ഡ് നല്‍കുന്നത് മന്ത്രാലയ വ്യക്തമാക്കി. ജമ്മു കശ്മീര്‍ പോലീസിന് 115 എണ്ണവും, സെന്‍ട്രല്‍ റിസര്‍വ് പോലീസ് ഫോഴ്സിന് (സിആര്‍പിഎഫ്), 30 എണ്ണവും, ഛത്തീസ്ഗഡ് പോലീസിന് 10 എണ്ണവും , ഒഡീഷ പോലീസിന് 9, മഹാരാഷ്ട്ര പോലീസിന് 7, ഇന്‍ഡോ-ടിബറ്റന്‍ ബോര്‍ഡര്‍ പോലീസ് (ഐടിബിപി), സശാസ്ത്ര സീമാ ബല്‍ (എസ്എസ്ബി) എന്നിവരില്‍ മൂന്ന് പേര്‍ വീതവും ബോര്‍ഡര്‍ സെക്യൂരിറ്റി ഫോഴ്സിന് (ബിഎസ്എഫ്) രണ്ട് പേര്‍ എന്നിവയാണ് ഏറ്റവുമധികം ധീരത മെഡലുകള്‍ നേടിയത്.
